Sakahang Alemany

Address

700 Alemany Boulevard San Francisco, CA 94110

Ang Sakahang Alemany sa Kompleks ng Santa Maria ay isang 3.5-ektaryang lugar na matatagpuan sa Alemany Boulevard malapit sa Ellsworth Street. Pinamamahalaan ang sakahang ito para sa seguridad sa pagkain sa ilalim ng Programa ng mga Hardin ng KomunidadCommunity Gardens Program ng Kagawaran ng Libangan at ParkeRecreation and Park Department. Ang Sakahang Alemany ay isa sa mga pinakapopular na lugar ng Kagawaran ng Libangan at ParkeRecreation and Park Department para magboluntaryo at kinilala dahil sa mga tagumpay nito sa pagtataguyod ng agrikultura sa lungsod sa pamamagitan ng sama-samang pagsisikap kung saan magkakasamang nagtatanim ng pagkain at halaman ang lahat ng boluntaryo upang ibahagi sa isa’t isa at sa kanilang mga kapitbahay. Bukod sa pagtulong na matugunan ang mahahalagang pangangailangan sa seguridad sa pagkain ng mga miyembro ng ating komunidad, nagbibigay ang lugar ng malalalim na oportunidad sa pag-aaral tungkol sa ekolohikal na agrikultura, pag-aalaga ng bubuyog, at paghahalaman para sa mga pollinator at tirahan ng hayop, para sa kabataan at nasa hustong gulang na mag-aaral.

Mga Kaibigan ng Sakahang Alemany (FOAF)

Pinatatakbo ng FOAF ang mga gawaing pang-agrikultura sa lugar. Bilang tagapamahala ng pinakamalaki at pinakamabungang sakahan sa San Francisco, binibigyan namin ang lahat ng pagkakataong matutunan kung saan nagmumula ang kanilang pagkain, tumulong, at mag-uwi ng sariwang ani nang libre! Halina’t makipagputikan sa amin!

Ang mga pangkalahatang araw ng pagboboluntaryo ay tuwing hapon ng Lunes at Sabado. Kung kayo ay indibidwal at nais mag-sign up upang sumali sa isang regular na araw ng trabaho, bisitahin ang aming website, Mga Kaibigan ng Sakahang Alemany . Kung nais ninyong mag-ayos ng araw ng trabaho para sa isang grupo o korporasyon, bisitahin ang https://alemanyfarm.org/get-involved/corporate-group-visits/

Pangkat ng mga Katutubong Halaman ng AlemanyAlemany Natives Plant Group

Layunin ng grupong Mga Katutubong Halaman ng Alemany na palawakin ang mga sona ng pagpapanumbalik ng katutubong tirahan sa loob ng Sakahan at turuan ang komunidad kung paano magagamit ang mga lokal na katutubong halaman upang makinabang ang pagtatanim ng pagkain, ang landscaping sa tahanan, at ang paglinang ng tirahan para sa mga ibon, bubuyog, insekto at iba pang uri ng hayop. Kabilang sa mga gawain ng boluntaryo ang pagtatanim, pagbubunot ng damo, pagpuputol, at pagsubaybay sa mga katutubong halaman sa iba’t ibang lokasyon sa paligid ng Sakahan. Mag-click dito upang magparehistro para sa isang araw ng pagboboluntaryo sa Mga Katutubong Halaman ng Alemany.

Ang Hardin ng mga Halamang-Gamot

Nagtatanim ang Hardin ng mga Halamang-Gamot sa Sakahang Alemany ng mahigit 60 uri ng halamang-gamot, halamang pampalasa at nakakaing bulaklak. Pinangangalagaan ito ng maliit na grupo ng mga boluntaryo na naniniwalang dapat maging abot-kamay ng mga taga-lungsod ang panggagamot gamit ang halaman. Matatagpuan ang Hardin ng mga Halamang-Gamot malapit sa puno ng willow sa kanlurang bahagi ng sakahan, sa paanan ng timog na dalisdis ng burol. Para sa higit pang impormasyon, makipag-ugnayan kay Bonnie Rose Weaver sa brw.herbalist at gmail dot com para sa anumang tanong o bisitahin ang https://www.bonnieroseweaver.com/medicinegardenalemany

Pagpapaganda ng Tanawin sa Lanaw

Inaalagaan ng grupo para sa pagpapaganda ng tanawin sa lanaw ang pangunahing anyong-tubig ng Sakahang Alemany sa pamamagitan ng pag-aalis ng mga invasive na uri ng halaman at hayop sa tubig at pagpapalago ng mga katutubong halaman at hayop. Mangyaring tingnan ang website ng Sakahang Alemany upang malaman kung kailan ang susunod na pampublikong araw ng trabaho.

Kagawaran ng Libangan at ParkeRecreation and Park Department

Bukod sa pagsuporta sa patuloy na pagsisikap ng lahat ng may kinalaman sa lugar, nagdaraos ang Programa ng mga Hardin ng KomunidadCommunity Gardens Program ng Kagawaran ng Libangan at ParkeRecreation and Park Department ng mga field trip pangunahin para sa mga paaralan ng Pinag-isang Distrito ng Paaralan ng San Francisco sa pamamagitan ng Programa sa Pangangalaga ng KabataanYouth Stewardship Program (YSP). Kung kayo ay isang guro na interesado sa field trip, mangyaring magpatala sa YSP o makipag-ugnayan sa communitygardens@sfgov.org para sa higit pang impormasyon.

Ang Plano sa Pamamahala ng Sakahang AlemanyAlemany Farm Management Plan ang gumagabay sa paggamit ng lugar. Inaprubahan ang planong ito ng Komisyon ng Libangan at ParkeRec and Park Commission noong Agosto 2012.

Ang Samahan ng mga Katutubong Halaman ng California – Sangay ng Yerba Buena at iba pang mga grupo ng komunidad ay nakatuon sa pagpaparami ng Mga Katutubong Halaman para gamitin sa buong San Francisco, kabilang ang maraming lugar ng Kagawaran ng Libangan at ParkeRecreation and Park Department. Lumapit ang mga grupong ito sa Kagawaran ng Libangan at ParkeRecreation and Park Department na may interes na (1) maglagay ng nursery ng katutubong halaman sa Sakahang Alemany na gagamitin upang magpalaki ng mga punla na itatanim sa mismong lugar at sa buong San Francisco, at (2) maglagay ng bagong landscaping ng katutubong hardin sa sakahan, sa paligid ng bagong nursery.

Ang Samahan ng mga Katutubong Halaman ng California/Sangay ng Yerba Buena ay nakalikom ng pondo at mga donasyong hindi pera upang sagutin ang gastos sa paglalagay ng nursery na ito at ipinagkaloob ang instalasyong ito sa Kagawaran ng Libangan at ParkeRecreation and Park Department bilang donasyong hindi pera. Kapag tapos na ang instalasyon, ang Kagawaran ng Libangan at ParkeRecreation and Park Department ang mananagot sa pangangasiwa sa espasyo ng nursery.

Mag-ulat ng Isyu sa Pagpapanatili

Mag-ulat ng isyu sa pagpapanatili o bandalismo sa lugar na ito